Últimas xornadas para inscribirse en Pontealdu

Os interesados en participar na proba popular do Campionato do Mundo Pontevedra 2014, “Pontealdu”, non deberían tardar en inscribirse. Ante a numerosa participación no Mundial, a maior da historia, a organización viuse obrigada a fixar un límite de inscrición: 150 participantes. Desta forma, a inscrición permanecerá aberta até cubrir os 150 deportistas.

O open PontealDU celebrarase o día 1 de xuño (10:15 horas) sobre distancia sprint (5 quilómetros de carreira a pé, 20 quilómetros de bicicleta e 2,5 de carreira a pé). Poden participar na mesma deportistas das categorías junior, sub 23, senior e veteranos e haberá trofeo e medalla para o tres primeiros clasificados de cada categoría (e sexo).