Tres edís de Vila de Cruces visitan o Punto Limpo da Guarda para interesarse pola súa xestión
Acompañados polo Concelleiro de Servizos da Guarda, os Concelleiros de Asuntos Sociais, Servizos e Facenda de Vila de Cruces, visitan A Guarda para recadar información da boa xestión do Punto Limpo da Guarda e da Selectiva.
O Punto Limpo da Guarda está considerado como un dos mellores xestionados de Galicia, pola súa eficiencia e sostenibilidade, fruto da colaboración cidadá e das campañas de concienciación. Así pois, o ano pasado se fixeron varias visitas de alumnos dos colexios e O IES. Ademais, colocáronse 40 contenedores de pilas e 8 de aceite doméstico nas rúas, que son recollidas por persoal do Concello.
O Concelleiro da Guarda explicoulles o cadro de xestión de Residuos do ano 2013, indicando que se reciclaron máis de 40 kg de electrodomésticos e material electrónico, 800m3 de madeira, ademais de plásticos, cartón, poliespan, pilas, envases fitosanitarios, plásticos de invernadoiro, lámparas, etc.
O Concello da Guarda está na dirección do marco da directiva Europea cara os obxectivos da reciclaxe 20-20-20 para 2020, reciclándose actualmente o 40% dos residuos que se xeneran. Tamén se abordaron temas no cambios da xestión de residuos da lei 22/2011 de 28 de xullo e solo contaminado.