Taller sobre pedras preciosas para familias na Domus

A Concellaría de Cultura informa de que a Domus celebrará un taller sobre pedras preciosas para familias. Para participar, o prazo de inscrición ábrese mañá, martes 20 de maio, a partir das 09.00 horas a través do correo electrónico domus@casaciencias.org. Os interesados deberán indicar o nome do adulto e dos nenos (poden apuntarse dous nenos por adulto), idades dos menores, correo electrónico e teléfono de contacto.

O taller, que se celebrará na Domus o 31 de maio e o 1 de xuño, de 17.00 a 18.30 horas, diríxese a familias con nenos de 6 a 10 anos e onde poderán experimentar co fascinante mundo dos cristais e elaborar unhas deliciosas estruturas de diamantes e grafitos con gominolas. A actividade é gratuíta, debendo abonar só a entrada correspondente ao museo.

O taller está promovido por Museos de Ciencia. Ruta Norte, que organiza esta actividade de maneira simultánea ao longo do norte de España con motivo do Ano Internacional da Cristalografía. Museos de Ciencia. Ruta Norte é o resultado da unión dun grupo de museos do norte de España que teñen como obxectivo divulgar a ciencia e a tecnoloxía.