Sete comerciantes de Monforte participarán no mercado de moda

Esta fin de semana a Praza de Abastos de Monforte acollerá o mercado ”Moda. Últimas tendencias”, coa participación das mellores tendas da cidade.

Os e as comerciantes monfortinos/as que participarán neste mercado descubrirannos as últimas tendencias no mundo da moda e dos complementos.

Atoparemos o mellor avance da tempada primavera-verán, tanto para muller como para home e para os máis cativos.

O mercado da moda ofrecerache a oportunidade de coñecer o que se leva, de mercar, e de estar ó tanto das últimas tendencias.

O mercado da moda abrirá o sábado día 24 en horario de mañá e tarde e o do mingo día 25 en horario matinal.

O listado de participantes neste mercado é o seguinte:

-Kamiro Moda: moda muller

-En Lá: moda muller, calzado e complementos

-Mimos: moda infantil

-Silver: bixutería e complementos

-Azabache: moda muller e home

-Acuarela: moda muller

-Soial: moda muller e home