Santi Valladares e Mon Barreiro realizarán unha xornada de adestramento co Vigo 2015

O adestrador do Santiago Futsal, Santi Valladares e o seu segundo, coordinador das categorías inferiores e adestrador de porteiros, Mon Barreiro, realizarán mañá mércores unhas xornadas de traballo cos equipos do Vigo 2015, froito do convenio de colaboración que une a ambos os clubs e que promove unha formación continua dos técnicos do club vigués por parte dos profesionais que forman o Santiago Futsal.

Así, desde as 17h de mañá, Santi Valladares e Mon Barreiro estarán no Pavillón do Berbés en Vigo cos xogadores máis pequenos do club para responder ás súas inquietudes e realizar unha sesión de traballo con eles. Ás 18,30h desprazaranse ao Pavillón Manuel Antonio, onde realizarán unha sesión de traballo cos infantís e cadetes.

Ademais, desde o Vigo 2015 premiarase aos seus propios xogadores polo traballo realizado durante a tempada, asistindo a algún adestramento en Santiago cos equipos do Santiago Futsal.