Ribadumia amplía o prazo do Concurso de Camisetas da Festa do Tinto
O Concello de Ribadumia amplía o prazo para que as peñas presenten os seus deseños do Concurso de Camisetas da XLII Festa do Viño Tinto do Salnés, que se celebra o vindeiro fin de semana en Barrantes. Deste xeito, os participantes terán ata o próximo mércores 4 de xuño para presentar as súas camisetas. A través deste concurso, repartiranse 350 euros entre os tres mellores deseños, nos que se valorará tanto a orixinalidade do debuxo coma da mensaxe. O primeiro premio é de 200 euros; o segundo, 100 euros; e o terceiro, 50 euros. O nome dos gañadores darase a coñecer o domingo 8 de xuño tras o Festival de Bandas que se celebra na praza do Concello de Ribadumia ás 19:30 horas.
Coa presentación da camiseta, deberase entregar nun sobre pechado os seguintes datos: nome da peña, nome dos seus integrantes, teléfono de contacto e lema da camiseta. As peñas deberán estar compostas por un mínimo de cinco membros e poderase presentar como máximo un deseño.