Populares e socialistas aproban os presupostos de Vigo nun pleno bronco

Os grupos municipais de PSOE e PP en Vigo deron luz verde este venres, nun pacto inédito na cidade, á aprobación inicial dos presupostos para 2014, nun pleno extraordinario bronco, no medio de berros de “¡vivan os noivos!” e “¡que se biquen !”. O grupo do BNG votou en contra.

A tenente de alcalde, Carmela Silva, foi o encargado de defender o presuposto, que ascende a 228 millóns, e recordou que son as contas “máis sociais” da historia de Vigo. “É difícil comprender que alguén deixe de aprobalos”, afirmou, e engadiu, en referencia ao BNG, que “os seus xefes non lles deixan votar a favor, ¿como van explicar aos vigueses que votaron seis presupostos e non os máis sociais?”.

O voceiro do PP, José Manuel Figueroa, xustificou a posición do seu grupo ao apoiar o PSOE na aprobación das contas, “por responsabilidade con Vigo e cos vigueses”. Mentres, a voceiro nacionalista, Iolanda Veloso, reiterou o seu rexeitamento ás contas, que non “solucionan os problemas dos vigueses”, e acusou o goberno local de Abel Caballero de pactar “co partido dos recortes”.

A sesión plenaria desenvolveuse nun ambiente bronco, no que as intervencións eran continuamente interrompidas por traballadores das contratas, da CIG, que berraban “¡ vivan os noivos “! e “¡que se biquen!”, aos que Caballero respondeu acusándoos de ser “membros dun partido político convenientemente dirixidos para rebentar o pleno”.