Oleiros destina 208.000 euros a traballos de asfaltado en 18 rúas municipais

O Concello de Oleiros, seguindo o estudo no que se recolle o estado de conservación de todos os camiños municipais, mellorará 18 rúas municipais . Este documento marca as prioridades á hora de acometer traballos e renovar a capa de rodaxe nas vías municipais. Deste xeito, o Goberno local arranxará ao longo destes meses rúas municipais que presentan unha forte deterioración. O investimento total nestes traballos será de 208.000 euros. Nalgúns casos tan só é necesario actuar en lugares concretos facendo cortes e tapar fochas, mentres que noutros casos o estado do camiño recomenda darlle un tratamento continuo a toda a súa superficie.

Rúas que serán asfaltadas parcialmente

Rúa Illa do Portelo

Rúa Aperta

Rúa Paraíso

Rúa O Chasco

Rúa Tileiros

Rúa Olmos

Rúa Basilio Álvarez

Rúa Escondite

Rúa Xan Vicente Viqueira

Rúas que serán asfaltadas por completo:

Rúa Jiménez Herrero

Rúa do Mar

Avenida Valle Inclán

Rúa Bartolomé de las Casas

Rúa Miranda

Rúa do Ensino

Rúa da Xustiza

Rúa Galileo Galilei

Ademais destes asfaltados, levarase a cabo a pavimentación con hormigón da rúa Céspedes e no camiño do Carragás. Así mesmo, o Concello arranxará as beirarrúas de entrada á Urbanización Rialta na rúa Aguia. Por último, tratará a ordenación da rotonda de entrada á urbanización e zona comercial de Icaria, na rúa do Sendeiro.