O xogador do Azkar Lugo, Cospe, operado con éxito do menisco

Este pasado mércores no Hospital Polusa de Lugo, o xogador do Azkar Lugo FS, Alejandro Gruñeiro Zapata “Cospe”, foi operado pola Dra. Luisa Ibáñez do menisco interno do xeonllo esquerdo, operación que foi satisfactoria e que permitiu ao xogador recibir a alta na tarde de onte xoves. Cospe lesionouse no tramo final desta tempada e tras esta intervención necesitará ao redor dunhas seis semanas de recuperación para superar así totalmente esta lesión.