O grupo dos Ñañaras de Xove participou no X Tequexetéldere da Estrada

O pasado 27 de Abril, o grupo dos Ñañaras da Asociación Cultural Saiñas de Xove cos seus 15 integrantes, participou no “X CONCURSO DE BAILE TRADICIONAL TEQUEXETÉLDERE”, en A Estrada.

Non è a primeira vez que algún grupo da Asociación participa neste tipo de concursos, xa que fai alguna década nos presentáramos a outros certámes, pero si e a primeira dos Ñañaras e sen dúbida os resultados foron todo un éxito xa que obtiveron o terceiro posto, competindo contra outras agrupacións procedentes de todo o territorio galego como Cantigas e Agarimos, Centro Cultural de A Ponte Vella, …, o concurso estivo reñido xa que todas as asociación participantes tiñan un gran nivel técnico nas pezas que alí se foron interpretando ao longo de todo o día.

A próxima cita dos Ñañaras será o 18 de maio, pero esta vez será en Silleda onde os bailaríns da Asociación Cultural Saiñas de Xove se volverán a poñer a proba ante outras agrupacións.