O Club de Natación de Verín proclámase subcampión do Torneo de Escolas de Natación en Xinzo de Limia

A piscina climatizada de Xinzo de Limia acolleu este pasado fin de semana un Torneo de Escolas de Natación, no que o Club de Natación de Verín acadou o subcampionato do mesmo.

En devandito torneo participaron quince menores do Club de Natación de Verín, con idades comprendidas entre os 7 e 12 anos, que ademais de conseguir excelentes marcas nas diferentes probas individuais lograron este segundo posto na de relevos. O primeiro posto foi para o Club de Natación de Chaves, mentres que o terceiro e cuarto para a Piscina Climatizada de Xinzo de Limia e Piscina Climatizada de Allariz, respectivamente.

No Torneo de Escolas de Natación competiron máis dun centenar de menores da Piscina Climatizada de Xinzo de Limia, Club de Natación de Chaves, Piscina Climatizada de Allariz e Club de Natación de Verín. As probas das que formaron parte neste torneo, dirixido a nadadores de ambos sexos, foron 25 metros costas benxamín, 50 metros costas alevín e infantil, 25 metros braza benxamín e alevín, 50 metros braza infantil, 25 metros crol benxamín, 50 metros crol infantil e alevín, e 8 x 25 relevos.