publicidade hoxe

Hermanos García Rocha exemplifica unha industria dos serradoiros que incrementou a súa facturación nun 15%

PUBLICADO EN: Noticias de GaliciaLocal PortadaOza/Cesuras
A-
A+
Francisco Conde na visita a Hermanos García Rocha

Francisco Conde na visita a Hermanos García Rocha

O conselleiro de Economía e Industria, Francisco Conde, resaltou hoxe, durante unha visita ás instalacións de Hermanos García Rocha, o bo facer dunha empresa que se ten convertido nun referente dos serradoiros galegos, unha industria capacitada para fixar poboación no rural e que incrementou a súa facturación un 15% en 2013 ata acadar os 250 millóns de euros.

“Hermanos García Rocha, como o resto da industria do serrado, desempeña unha actividade fundamental para a dinamización da nosa economía”, sinalou o conselleiro, que resaltou tamén as boas cifras acadadas polo conxunto da industria da madeira. Esta facturou o último ano preto de 1.700 millóns, un 2,6% máis que en 2012, configurándose a industria madeireira como a a actividade industrial galega que máis emprego xera sumando o 6,6% da poboación activa.

“Galicia conta cunha industria pioneira no desenvolvemento de produtos a nivel nacional e internacional”, destacou o titular de Economía e Industria. Así, a madeira galega incrementou as súas exportacións nun 10% no último exercicio, o que fai de Galicia a comunidade que máis exporta no sector.

Nesta busca de novos mercados, o conselleiro resaltou o papel que desempeña a innovación de cara a incrementar a competitividade empresarial. Un eido no que subliñou o compromiso de Hermanos García Rocha ao impulsar a creación de produtos e a valorización dos subprodutos, promover a diversificación e contar con selos de certificación forestal sostible.

9 de maio de 2014 | 14:02 • Sen comentarios

Comentarios pechados.