Exposición “Menudoartegenial” no Centro Social Cabo de Cruz
“Menudoartegenial” é unha exposición das obras de nen@s creativ@s boirenses que amosa os traballos realizados en diferentes obradoiros impartidos coa pintora boirense Mónica Rivas.
Esta licenciada en belas artes e mestra de debuxo, xunta en diversas actividades puntuais algúns nenos o seu carón para seguir de cerca o seu proceso creativo, guiar e aportar os ánimos precisos que estes pequenos xenios requiren para levar a cabo a forma de expresión gráfica que primeiro manifestan, o debuxo. De xeito natural, eles crean ou interpretan o seu entorno e os seus intereses, que se ven reflectidos nas súas creacións.
A inauguración terá lugar na sala do CSoCC o vindeiro venres 9 de maio ás 20:00h.
A mostra estará aberta ao público todo o mes de maio do2014 en horario do centro.