Clausura das escolas municipais de Aranga
O sábado 31 de maio, de 16.00 a 20.00 h. serán clausuradas as Escolas Municipais de Aranga 2014 no pavillón da Castellana. Contarase cunha exhibición das escolas deportivas e culturais e das escolas de taekwondo dos Concellos de Aranga e de Oza-Cesuras. Posteriormente terá lugar a entrega dos premios á/ao mellor deportista e serán entregados os diplomas e agasallos.
Ademais contarase cunha Festa da escuma, inchables e o concerto de Mamá Cabra.
Haberá un stand de recollida de alimentos en colaboración con Cruz Vermella no que se recollerán alimentos prioritarios, non perecedeiros ou infantís.