Catro xogadores do Rio Natura Monbus visitan a dous clubs galegos

Visita dos xogadores do Rio Natura Monbus ao centro escolar de Padrón

Catro xogadores do persoal do Rio Natura Monbus compartiron a tarde con mozos baloncestistas do CB Padrón e do CB Río Ulla, das localidades galegas de Padrón e Pontecesures.

Pavel Pumprla e Kasparse Berzins foron até a localidade de Padrón, na provincia da Coruña, onde pasaron un bo intre cos mozos xogadores do CB Padrón, un club que ten asinado un convenio co Rio Natura Monbus.

Á vez, Alberto Corbacho e Albert Homs desprazáronse até a provincia de Pontevedra, á localidade de Pontecesures, onde o CB Río Ulla, que adestra no Pavillón Municipal de Cesures, convocou aos seus baloncestistas para coñecer aos seus ídolos.

Os obradoiristas, durante os diferentes actos, explicaron os detalles do II Campus Obradoiro CAB Barbanza, orientado a mozos e mozas de entre cinco e dezaoito anos como fixeron con outro cinco clubs o pasado luns.

O obxectivo desta cita, que será en Boiro entre o 30 e o 5 de xuño con prezos de entre 149 e 245 euros, é o desenvolvemento global dos mozos a través do baloncesto coa mellora das habilidades técnico-tácticas e o fomento de valores como a cooperación, o compañeirismo e o respecto.