Catro persoas foron detidas por roubar nunha obra en Ordes

Axentes da Guardia Civil de Ordes (A Coruña) detiveron o xoves catro varóns como presuntos autores dun delito de furto por subtraer material nunha obra.

Segundo informou este venres a Guardia Civil, os agora imputados subtraeron 72 puntais metálicos nunha obra situada na parroquia de Poulo, en Ordes.

Tras comunicar os feitos ao Instituto Armado, iniciáronse as xestións para a localización dos autores do furto e foron achados nunha pista forestal do lugar de Mesón do Vento, no mesmo termo ordense, cando transitaban nunha furgoneta.

Os gardas lograron recuperar os efectos subtraídos e devolvelos ao seu dono, que os valorara nuns 1.100 euros, segundo concretou a Benemérita.

Os feitos foron postos en coñecemento do Xulgado de Instrución Número 1 de Ordes.