Austral lanza a tenda online do Campionato do Mundo de Dúatlon de Pontevedra

Onte mércores Austral, marca oficial de merchandising do Campionato do Mundo de Dúatlon Pontevedra 2013, puxo en marcha a tenda virtual oficial das competicións que se desenvolverán na cidade galega entre o 31 de maio e o 1 de xuño. O espazo permitirá acceder a unha ampla gama de produtos de edición limitada, tanto de ciclismo como de carreira a pé, especialmente deseñados para a ocasión, facilitando ao mesmo tempo a reserva e compra dos mesmos.

Á súa vez, tamén poderás atopar a camiseta conmemorativa do evento, en cuxo deseño se incorporaron os nomes dos máis de 1400 participantes. Así mesmo, Austral tamén estará presente durante a semana de competicións, cunha tenda na zona expo na que poderás pasar a recoller os teus pedidos ou coñecer outros produtos da firma.