As brigadas municipais de Cangas realizan as labores de limpeza na zona da Choupana

Membros das brigadas de limpeza municipais comezaron esta semana a traballar nas labores de limpeza e acondicionamento da zona de A Choupana. As tarefas leváronse a cabo o mércores, xoves e venres e está previsto que a próxima semana se reanuden.

Con esta medida dende o Concello de Cangas dáse resposta ao compromiso que o Concelleiro de Medio Ambiente adquiriu con veciños da zona trala visita que o edil realizou o pasado mércores, acompañado de traballadores municipais, ao lugar.

Persoal da empresa concesionaria do saneamento tamén visitará a zona para proceder ao longo da próxima semana a limpar e repoñer reixas por onde se canalizan as augas pluviais así como ao selado de algunhas tapas nas beirarrúas.