Arrincan as probas de acceso para os equipos da escola e categorías inferiores do Azkar Lugo

Este próximo luns 12 de maio, a Escola de fútbol sala Terra e o Azkar Lugo FS volven abrir as súas portas para todos aqueles nenos/as que queiran realizar as probas de acceso a todos os equipos da súa base. As mesmas levaranse a cabo durante máis dun mes, finalizando o 19 de xuño.

Os interesados en realizar as probas, que serán para todas as categorías (psicomotricidade, prebenxamín, benxamín, alevín, infantil, cadete e xuvenil) deberán realizar a súa inscripción chamando xa ao 982 209 639 ou 686 932 293, enviando un e-mail a escuela@pronelugoad.com ou facéndoo directamente nas oficiñas do club no Centro Deportivo Terra no Polígono Industrial de O Ceao.