Anfaco-Cecopesca estará presente na feira sectorial Seafood Expo Global 2014

Desde o 6 ao 8 de maio en Bruxelas, ANFACO-CECOPESCA participará nunha nova edición da Feira “Seafood Expo Global”, onde representará os intereses das súas empresas asociadas e onde se dan cita un gran número de compradores e vendedores especializados do sector de produtos da pesca e da acuicultura de todo o mundo.

ANFACO-CECOPESCA participa baixo o amparo institucional do Ministerio de Agricultura, Alimentación e Medio Ambiente, que estará situado dentro do Pavillón Español (Hall 7), onde tamén hai unha representación das Comunidades Autónomas de Galicia, Asturias, Canarias, País Vasco, Andalucía e Cataluña. Dentro do Pavillón Institucional do Ministerio de Agricultura, Alimentación e Medio Ambiente tamén estarán presentes as empresas Alberto de Miguel, S.A. (Conservas Emperatriz), Grupo Gil Comes, Sigma Ittica, S.L. e Ricardo Fuentes e Hijos, S.A.U., empresas asociadas a ANFACO-CECOPESCA.

Así mesmo, dentro do Pavillón institucional de Galicia, estarán presentes diversas empresas asociadas a ANFACO-CECOPESCA, entre elas, Aucosa, S.A., Bateamar, S.L., Comercial Pernas, S.L., Grupo Profand, S.L., Mariscos Linamar, S.L., Mexillóns Nidal, S.L., Paquito, S.L., Pescados Rubén, S.L., Pescapuerta, S.A., Pesciro, S.L. e Stolt Sexa Farm, S.A.

Do mesmo xeito, na Feira “Seafood Expo Global” tamén exhibirán outras empresas asociadas a ANFACO-CECOPESCA, por exemplo, Ángel López Soto, S.L.; Bacalaos Alkorta; Budenheim; Congalsa, S.L.; Comercial Bacaladera, S.A.; Congelados Noribérica, S.A.; Congelados y Conservas Maratlantis, S.L.; Friobas Basilio, S.L.; Iberconsa; Iceland Seafood, S..L.; Icelandic Ibérica; A Bacaladera, S.A.U.; Marfrío, S.A.; Pescaviar, S.L.; Salica Industria Alimentaria, S.A. e Ubago Group Mare, S.L.

Representando a ANFACO-CECOPESCA estará presente o seu Secretario Xeral, D. Juan M. Vieites; quen durante a súa estancia en Bruxelas participará na Asemblea Xeral de EUROTHON, cuxa presidencia ostenta, ademais de manter reunións con diferentes organizacións e institucións comunitarias e internacionais. Paralelamente á celebración da feira, ten lugar a Feira SEAFOOD PROCESSING GLOBAL, na cal participan diversas empresas asociadas a ANFACO-CECOPESCA tales como Hermasa, que estará presente na caseta institucional da Cámara de Comercio de Vigo, e Fishbam.

A Feira “Seafood Expo Global”, anteriormente European Seafood Exposition, é unha feira de carácter anual, onde este ano exporán ao redor 1.690 empresas provenientes de máis de 76 países, estando, por tanto, representados todos os sectores dedicados á extracción e transformación dos produtos da pesca e da acuicultura.