Amplíase ata o 8 de maio o prazo para inscribirse á MiniFutsal Cup

Este fin de semana celébrase “A Cidade do Futsal” un evento cargado de fútbol sala e diversión para os máis pequenos que gozarán de dous días na Cidade da Cultura con pistas de fútbol sala e multitude de actividades de lecer.

Máis de 3.000m² de diversión asegurada nun marco incomparable que ademais contará cunha Minifutsal Cup na que poderán participar todos os equipos que o desexen (entre 7 e 12 anos). Para iso, haberá que cubrir a “Folla de inscrición” dispoñible na web do Santiago Futsal (www.santiagofutsal.com) cos datos do cinco xogadores que participen nese equipo e do seu adestrador e enviala escaneada a comunicacion@santiagofutsal.com ou entregala nas oficinas do club antes do Xoves día 8.

Todas as actividades desta “Cidade do Futsal” serán totalmente gratuítas e contarán ademais con visitas guiadas á Cidade da Cultura.

Animamos a todos os nenos e nenas a participar nesta MiniFutsal Cup e a acudir a “A Cidade do Futsal” este fin de semana na Cidade da Cultura, onde ademais haberá multitude de sorpresas e agasallos entre o público asistente, coa visita de membros do persoal do Santiago Futsal.