Actividades para o mes de maio no Centro de Interpretación Ambiental de Compostela

O Centro de Interpretación Ambiental de Compostela, localizado no parque de Belvís, que quere ser un espazo aberto á participación ambiental da cidadanía, prepara novas actividades para este mes de maio.

A primeira delas será un obradoiro de limpeza natural o día 18 de maio de 17:30 a 18:45, no que se aprenderá a fabricar productos de limpeza para o fogar.

Para o sábado 31 de maio, de 12:00 a 13:30, está previsto un roteiro interpretativo polas Brañas do Sar. Visitarase este espazo da cidade para coñecer os seus valores naturais, os usos tradicionais que mantén e outros segredos que garda.

Actividades organizadas no CIAC por outras entidades

Ademais o Centro de Interpretación Ambiental ten preparado un obradoiro de vídeo ambiental dentro do programa “Revoltallo”, organizado por Amarante, Verdegaia e A Xuntanza, os días 16 e 17 de maio.

Tamén están programadas visitas ao centro por usuarios e usuarias de ASPANAES e de varios grupos dos centros CEIP López Ferreiro, Compañía de María e CEIP Fontiñas.