A urbanización da rúa Asturias estrea alumeado público

Os veciños da urbanización da Rúa Asturias verán por vez primeira esta noite iluminarse as rúas que dan acceso as súas vivendas. Despois dunha complicado e longo proceso, o Concello culminou a tramitación para poder conectar á rede eléctrica os farois do alumeado público que se estreará esta mesma noite.

O prendido do alumeado público na urbanización emprazada na parroquia de Trabanca Badiña era unha demanda que os veciños viñan reivindicando dende que comezou a habitarse esta nova zona residencial. Tanto as rúas deste barrio como o estacionamento do supermercado anexo (Carrefour) dispoñían dende hai tempo dos farois e puntos de luz, aínda que faltaba por executar a conexión á rede subministradora. Obter os permisos pertinentes ante o Ministerio, a compañía eléctrica, os boletíns de alta e realizar o enganche supuxo unha longa tramitación que culminou de forma exitosa hai uns días.

O concelleiro de Obras e Servizos, Jesús Longa e os responsable de alumeado do Concello supervisaron esta mañá as probas de prendido das luminarias da Rúa Asturias e do estacionamento do supermercado, visita que realizaron na compaña do presidente da comunidade de veciños da urbanización. Comprobado que o funcionamento era correcto, o alumeado comezará a funcionar de xeito definitivo esta mesma noite.