A Policía Nacional e a Garda Civil finaliza, por orde do xulgado, a custodia do club Queens

A Policía Nacional e a Garda Civil deixaron de custodiar o club Queens en Lugo por orde do xulgado instrutor, tras o rastrexo levado a cabo o pasado martes o terreo no que se situaba este establecemento de alterne, investigado na ‘Operación Carioca’ en relación a unha suposta trama de prostitución na provincia.

Así confirmouno este xoves o subdelegado do Goberno, Ramón Carballo, que indicou que “se concluíu a través da Garda Civil e a Policía Nacional a custodia de terreo e de edificio” tras unha resolución ditada pola xuíza que leva a investigación, Piar de Lara Cifuentes.

A maxistrada indicou que “remataba a vixilancia do edificio”, segundo abundou Carballo. “É o único que podo dicir nestes momentos”, concluíu.

Varias mostras tomadas durante esa inspección serán analizadas no laboratorio da Garda Civil de Madrid, así como o rastro dun posible cadáver sobre o que se pousaron os cans que buscan corpos, desprazados tamén co equipo da Garda Civil dende Madrid.

MESA TÉCNICA

Polo demais, Ramón Carballo anunciou que para o próximo luns convocouse “unha mesa técnica, entre Policía Local, Policía Autonómica, Policía Nacional e representantes do Concello de Lugo e da subdelegación del Gobierno para un tema” que formularon os veciños da parroquia sobre a proliferación de roubos.

“Os veciños manifestáronnos que hai un repunte de roubos, e pediron esa reunión tanto ao Concello, á subdelegación, como á Fiscalía,” dixo. “Polo tanto consideramos conveniente ter esa reunión e abordar os temas que nos poidan formular os veciños”, sentenciou.