A homenaxe a Ernestina Otero dá paso ao simposio ‘A memoria das mulleres’

O Paraninfo do Instituto Vallé Inclán será o escenario esta tarde da homenaxe do Concello de Pontevedra á primeira directora da antiga Escola Normal de Maxisterio de Pontevedra, Ernestino Otero Sestelo.

O tempo obrigou a trasladar o acto dende a avenida de Montero Ríos (diante da antiga sede da Normal) ao próximo IES Valle Inclán. As intervencións previstas mantéñense por esta orde:

• Carme Fouces, concelleira de Muller

• Manuel Puga Pereira, neto e biógrafo de Ernestina Otero

• Aurora Vidal Caramés

• Clementina Vidal Caramés

• Miguel Anxo Fernández Lores, alcalde de Pontevedra.

Esta homenaxe celébrase na véspera do inicio do II Simposio “A memoria das mulleres” que será mañá, venres 30 de maio, e o 1 de xuño na Casa das Campás.

Na xornada de mañá están previstas as seguintes intervencións:

• 17.30 horas. Conferencia de Apertura de Anxo S. Porto Ucha que falará sobre A escola represaliada na provincia de Pontevedra.

• 18.30 horas. Raquel Vázquez Ramil: Mulleres galegas na Residencia de Señoritas de Madrid: da ilusión á invisibilidade

• 19.15 horas. Presentación do número 27 da revista Murguía: Historia da educación na Galiza.