A Guarda en Bici fomentará a actividade física dos veciños

Dentro do programa “Eurorrexión Activa: vida saudable nos concellos da raia” que fomenta a actividade física en Galicia e o norte de Portugal, vaise organizar no Concello da Guarda A Guarda en Bici.

Esta actividade que está prevista para o 31 de maio ás 18.00 h, coincidindo con A Guarda Doce, consiste nun paseo en bicicleta polas principais rúas da Guarda, apto para todas as idades. Lembrarvos que para participar é obrigatorio o uso de casco.

O evento conta coa colaboración do Club Ciclista Guardés e Policía Local da Guarda.

O circuíto que contará cunha distancia aproximada de 8 km, pasará polas principais rúas da Guarda:

Alameda
Rúa Galicia
Vicente Sobrino
Praza Nova
Praza do Reló
Rúa Calvario
Praza da Guía
Baixada Area Grande
Solanas
Paseo Marítimo
Porto
Rotonda Santa Catalina
Concepción Arenal
María Sexto
A Cal
Manuel Álvarez
Alameda
Piscina Municipal
Aloqueiro (Salcidos)
Cruceiro Pinto (Salcidos)
Alameda

Ademais, no mes de maio, con motivo da iniciativa “Eurorrexión Activa” realizaranse unha serie actividades saudables, totalmente gratuítas e dirixidas por monitores especializados. As actividades do programa poden consultarse na páxina web galiciasaudable.xunta.es ou solicitar no concello correspondente a axenda de vida activa e saudable.

É un proxecto financiado con fondos europeos que busca, a través da cooperación intermunicipal, promover hábitos de vida activa desde a infancia ata a vellez, traballando conxuntamente por un envellecemento máis activo e saudable. Esta acción enmárcase dentro do Plan Galicia Saudable da Xunta de Galicia.