A Deputación de Ourense garda un minuto de silencio en sinal de dó polo asasinato de Isabel Carrasco

Minuto de silencio ante a Deputación de Ourense

O presidente da Deputación de Ourense, Manuel Baltar, acompañado polo subdelegado do Goberno en Ourense, Roberto Castro; polo vicepresidente do ente provincial, Rosendo Fernández, e por traballadores da institución gardaron esta mañá, ás 12.00 horas, un minuto de silencio diante do Pazo Provincial en sinal de dó polo asasinato onte da presidenta da Deputación de León, Isabel Carrasco.

Manuel Baltar manifestou “o fondo pesar, que nos enche a todos de tristura, provocado pola morte de Isabel Carrasco, xunto cun sentimento de máxima indignación e repugna por este atentado causado contra o ben máis prezado que temos como é a vida, ante o cal amosamos o máximo e contundente rexeitamento”. O presidente provincial quere transmitirlle á familia, amigos, compañeiros de Isabel Carrasco e aos leoneses “as condolencias e todo o apoio e afecto nestes momentos tan difíciles e de tan fonda tristura”.