A Coral Polifónica Ventos do Val celebra o seu tradicional Concerto de Primavera

A Coral Ventos do Val, da parroquia mosense de Petelos, celebra a XIV Edición do seu Concerto de Primavera que terá lugar o domingo 25 de maio, ás 18.00 horas da tarde, no auditorio do centro das Escravas da Virxe Dolorosa en Petelos.

Neste concerto intervirán, ademais de Ventos do Val, coral organizadora e anfitriona, outras dúas formacións musicais que son a Coral Polifónica Pedras Blancas de Cesantes, natural da veciña localidade de Redondela; e a Coral Polifónica Val do Avia de Leiro, procedente de Ourense.

A entrada ó concerto será totalmente libre e gratuíta para todas aquelas persoas interesadas en asistir ó mesmo.