A CEO alberga unha mostra pictórica de Xavier Riomao

Desde a súa rehabilitación, o edificio que alberga as oficinas da CEO prestou sempre o seu espazo á exhibición de obras de arte. Nesta ocasión, é o pintor ourensán Xavier Riomao o que colga os seus cadros das paredes do emblemático palacete do século XV restaurado fai algo máis de 16 anos.

Riomao na CEO

A exposición leva por título ‘Cuestións non exercicio de Pintar’ e consta dun total de 12 cadros coas seguintes características:

– 5 cadros tamaño 195 x 230 cm. Técnica mixta sobre lenzo.

– 1 cadro de 195 x 130 cm. Óleo sobre lenzo.

– 1 cadro de 130 x 195 cm. Óleo sobre lenzo.

– 5 cadros de 130 x 130 cm. Óleo sobre lenzo.

Os cadros de maior tamaño foron pintados entre 2007 e 2011 e forman parte de ‘Espazos proxectados’. O resto de pezas pertencen a dous proxectos comezados en 2010 e nos que o artista traballa aínda:

– ‘Dualidade e cor’: nel trabállase a imaxe a través da cor coa idea de producir un influxo hermenéutico entre a peza e o espectador.

– ‘Homenaxe a Maïakovski’: artista que influíu na obra de Riomao.

Breve reseña sobre Xavier Riomao (Ourense, 1955)

En 1980 realiza a súa primeira exposición en Santiago de Compostela, con tan só 25 anos. A partir de aí sucédense unha infinidade de exhibicións tanto individuais como colectivas que levan a súa arte por toda a xeografía española (Santiago, Vigo, Lugo, Coruña, Oviedo, Tenerife, Salamanca, Madrid, Barcelona, Pamplona…) e tamén por países como Portugal, Irlanda, Italia ou Bélxica.

Na actualidade exhibe obras nos seguintes emprazamentos:

Xunta de Galicia (Consellerías de Sanidade e de Cultura).
Fundación Sánchez Ruipérez (Salamanca).
Fundación ICO (Madrid).
Colección O Corte Inglés (Vigo).
Novacaixagalicia (Ourense).
Concello da Coruña.
Concello de Pontevedra.
Concello de Esgos (Ourense).
Universidade Saint-Lucas Gent (Bruxelas – Bélxica).
Hospital San Pablo (Madrid).
Universidade de Vigo. Campus de Ourense.
Coleccións particulares