A área de turismo de Ferrol organiza un obradoiro de creación de produto turístico

A Área de Turismo do Concello de Ferrol, que dirixe María del Carmen García Fraga, organiza esta tarde o obradoiro “Creación do Produto Turístico”, que se desenvolverá nas instalacións do Hotel Carrís Almirante en horario de 16:00 a 19:00 horas. O profesor na Universidade Europea de Madrid, consultor e empresario turístico, David Mora, será o encargado de impartir esta acción formativa dirixida a empresarios e profesionais do sector turístico de Ferrol e comarca.

O obxectivo do obradoiro é ofrecer ao empresariado turístico unha metodoloxía e pautas claras para o deseño de servizos turísticos que resulten atractivos para os visitantes de Ferrol. Este seminario finalizará coa creación e presentación en grupo de produtos turísticos por parte dos asistentes. Así, o contido do temario desta xornada é o seguinte: Introdución á creatividade, do recurso ao produto turístico, ¿que é unha experiencia?, cómo crear un produto turístico experencial, obradoiro práctico e presentación de resultados.