Uns 500 padexeiros participarán na Copa de España de 1.000 metros en Verducido

A Copa de España de 1.000 metros disputarase este fin de semana en Verducido coa participación de 500 padexeiros. A competición reunirá aos mellores padexeiros galegos e nacionais e tamén será valedoiro para construír algúns equipos españois que participarán nas próximas regatas internacionais. Na categoría feminina, as probas serán sobre a distancia de 500 metros.

É unha das citas máis importantes da tempada dentro do mundo do piragüismo e a primeira das varias regatas a nivel nacional que se disputarán en Galicia ao longo da presente tempada. Na proba deste fin de semana competirase nas modalidades de C-1, C-2, K-1, K-2 e K-4. A proba tamén é valedoira para a liga Nacional de pista.

A participación pódese considerar dun alto nivel. Anunciaron a súa presenza Francisco Cubelos, Óscar Carreira, Rodrigo Germade, Ton Campos, José Luís Bouza, Adrián Sieiro, Óscar Graña, André Oliveira, Sergio Vallejo, Carlos Pérez Rial e Rubén Millán, entre outros destacados padexeiros.

A Copa de España iniciará a súa competición o sábado, a partir das nove da mañá. Terá a súa continuación pola tarde e finalizará o domingo ao mediodía. A presenza de cincocentos padexeiros e o seu elevado nivel deportivo fan previsible unhas regatas moi igualadas e emocionantes.