Un total de 85 traballos presentaronse ao XXII Concurso Literario Xaime Isla Couto en Poio

O prazo de entrega do XXII Concurso Literario Xaime Isla Couto pechouse cunha participación de 85 traballos presentados nas distintas categorías. O xurado, formado polas asociacións membros do Consello Municipal de Cultura SCD Raxó, SCD Samieira, Ateneo Corredoira, Boureante e Vides Novas, reunirase o 6 de maio ás 20 h. para fallar os premios, que se dividen en grupos de idade e modalidades de poesía e relato curto.

Os premios serán os seguintes:

GRUPOS DO A AO D:

– Poesía: diploma e premio de 70 euros por cada categoría..

– Relato curto ou contos: diploma e premio de 70 euros por cada categoría.

GRUPO E: diploma e premio de 90 euros, en cada modalidade.

GRUPO F: diploma e premio de 300 euros, en cada modalidade.

As categorías son:

-Grupo A: de 6 a 8 anos*.

-Grupo B: de 9 a 11 anos*.

-Grupo C: de 12 a 13 anos*.

-Grupo D: de 14 a 15 anos.*

-Grupo E : de 16 a 18 anos.*

-Grupo F: de 18 anos* en diante.

O mércores 7 de maio, o Consello Municipal de Cultura dará a coñecer os nomes dos gañadores e gañadoras desta edición, así como a programación de actos organizados coa SCD Raxó que se desenvolverán o 17 de maio en Raxó, para festexar a nosa lingua e a nosa literatura.