Un equipo de mergulladores inspeccionará a zona do afundimento do ‘Mar de Marín’
Un equipo de mergulladores do grupo especial de actividades subacuáticas da Garda Civil, procedente da base estratéxica de Fene, desprázase até a zona do afundimento do ‘Mar de Marín’, na ría de Vigo.
Os mergulladores prepáranse para a inmersión para inspeccionar o pecio do arrastreiro, para comprobar si os dous desaparecidos se atopan no interior do buque, segundo informou o subdirector do Servizo de Gardacostas de Galicia, Liño Sexto, en declaracións aos medios de comunicación.
O arrastreiro, de 27 metros de eslora, naufragou esta madrugada, sobre as 3,00 horas, tras chocar co mercante ‘Baltic Breeze’, de 164. O patrón maior da confraría de Vigo asegurou que o pesqueiro se afundiu “en tres minutos”.
Polo momento foron recuperados os cadáveres de tres tripulantes, dous de Galicia e un de Marrocos, e rescatados con vida cinco dos dez tripulantes, todos eles orixinais de Galicia.











