Un centenar de persoas participaron no Festival poético musical do Baixo Miño

Un centenar de persoas congregáronse o pasado sábado en torno ó Festival Poético Musical no Centro Cultural da Guarda. Música, poesía e danza foron os ingredientes que conformaron o evento organizado pola Asociación Poetas do Baixo Miño.

O Coro Cantabile abreu o acto, seguido polos nenos do colexio Padres Somascos: Iria Sanz Berridy, Marcos Baz Martínez, Blanca Martínez Salinas, Mario Fernández Baz, Lucía Baz González e Iria Peniza Rodríguez,  que recitaron os seus propios poemas e estiveron acompañados polas alumnas do Conservatorio Elemental de Música da Guarda, Andrea Rey Vallarino (Violín) e Montserrat González Pérez (Viola).

As rapazas do grupo Xamaraina deleitaron ó público con dúas pezas de ballet inspiradas no mundo da poesía, e Emilia Rosende, Castor Rodríguez e Oliva María Pereira, poetas da nosa comarca, interpretaron as súas composicións. Como broche final, destacou a actuación do grupo de pandereteiras da Agrupación Cultural Guardesa.