Taller sobre innovación na náutica deportiva en Arteixo

A Rede de Innovación de Arteixo continúa coas xornadas informativas para dar a coñecer este programa gratuíto a empresas e emprendedores de Arteixo e, en xeral, a toda a poboación. Mañá mércores 9 (16.25 horas), será da man de Jesús Álvarez Chinchilla, promotor do veleiro adaptado Yatlant460 seleccionado pola Asociación Internacional de Vela para Discapacitados (IFDS) para substituír á actual embarcación paraolímpica.

Novidades

Por outra banda, este xoves 10 dará comezo o ciclo de 50 talleres de prospectiva e innovación coa novidade de estar divididos en itinerarios especializados relacionados cos sectores produtivos con máis presenza en Arteixo como son: comercio e servizos, industria e manufactura, téxtil e confección, sector agroalimentario e construción. A maiores, preséntanse dúas áreas transversais como son eficiencia enerxética e sustentabilidade e ferramentas e solucións tecnolóxicas. As dúas primeiras actividades ( 17.25 – 20.00 / 20.25 – 22.00 horas) son os talleres “Pasado, presente e futuro do sector agroalimentario” e “Si crees que a túa idea de negocio é boa, franquíciaa!”

Todas as actividades da RdI teñen lugar no Centro Arteixo Innovación (zona deportiva e escolar).