Pasa a disposición xudicial o fillo da octoxenaria atopada morta en Corme
O fillo detido da muller achada morta na súa vivenda na localidade coruñesa de Corme, no municipio de Ponteceso, pasará na mañá deste martes a disposición xudicial.
Segundo confirmaron fontes da Guardia Civil, o detido será posto a disposición do xulgado de garda de Carballo tras permanecer nos calabozos do posto da mesma localidade, a onde foi levado dende a Comandancia na Coruña.
O home foi detido pola súa suposta participación nos feitos tras ser achado o corpo da súa nai octoxenaria na vivenda familiar na que ambos os dous residían.
A autopsia practicada á octoxenaria revelou que a anciá morreu dun posible infarto, segundo sinalaron fontes próximas á investigación.
Tras ser atopada morta a octoxenaria o domingo, a Garda Civil abriu unha investigación para esclarecer o sucedido e detivo un fillo da muller pola súa suposta implicación nos feitos.