Os xogadores do Futsal, Eloy Vermellas e Palomeque visitan o Colexio San Francisco Javier

Visita dos xogadores ao centro educativo

Continuando coas visitas do Santiago Futsal aos diferentes colexios da zona, esta mañá tocoulles a quenda a Palomeque e Eloy Vermellas, que visitaron o Colexio San Francisco Javier en Santiago, onde máis de 150 nenos escoitaron aos xogadores do club santiagués relatar as súas experiencias no fútbol sala.

Os alumnos e alumnas puideron preguntar a ambos os xogadores acerca dos seus compañeiros, os seus goles, lesións e tamén coñeceron a importancia dunha alimentación sa e uns hábitos de vida saudables para un mellor rendemento deportivo. Os máis atrevidos preguntáronlles acerca dos seus ídolos ou os seus mellores momentos no equipo e ao final da charla todos puideron fotografarse cos xogadores.

Ademais, foron convidados o partido do venres ante Peñíscola Adegas Dunviro ás 21h no Multiusos Fontes do Sar.