Os xogadores do Azkar Lugo, Álex Diz e Diego Núñez, son convocados coa selección sub-21 para dous amistosos ante Portugal

O seleccionador nacional sub-21 de fútbol sala, Fede Vidal, convocou a dous xogadores canteiráns do Azkar Lugo FS de cara aos dous partidos amistosos que o combinado nacional sub-21 disputará ante a selección de Portugal os próximos luns 12 e martes 13 de maio na localidade lucense de Burela e a coruñesa de Cerceda. Os xogadores seleccionados son Alejandro Diz Teijeiro “Álex Diz” e Diego Núñez Paz.

Convocatoria:

– Porteros: Asier (Magna Navarra) e Medina (H. Llevant Manacor).
– Peches: David Pazos (Santiago Futsal) e Diego Núñez (Azkar Lugo).
– Alas-peches: Orbaez (Inter Movistar), Ferrán Plana e Adrián Ortego (FC Barcelona).
– Alas e Pívots: Adolfo (Marfil Santa Coloma), Álex Diz (Azkar Lugo), Dani Saldise (Magna Navarra), Eloy Rojas (Santiago Futsal), Catela (Umacón Zaragoza), Antonio (Aljucer ElPozo Murcia) e Alejandro Constantino (FC Barcelona).