Os alumnos dos institutos do Carballiño acadan un cuarto e un sétimo lugar na final de Ferrol

A edil de Educación, Pilar Caride, aseguraba sentirse moi orgullosa da participación dos dous equipos da vila na final do club de debate, que se celebrou este pasado sábado en Ferrol. Tras os debates durante todo o día ao final o equipo formado polos alumnos do Chamoso Lamas conseguiron un 4º posto, con 340 puntos, e o formado polos alumnos do Instituto Número Un un 7º posto con 278 puntos. O gañador absoluto foi o equipo do instituto Luís Seoane de Pontevedra con 387 puntos.

A edil de Educación, que estivo durante toda a xornada acompañando aos alumnos e preparadores do Carballiño, destacaba o feito de que “era a primeira vez que O Carballiño participaba nesta actividade, polo que os nosos alumnos enfrontáronse a equipos que xa sabían como funcionaba esta final, e que participaran en anos anteriores, o que ten aínda máis mérito”.