O Santiago Futsal xógase a súa clasificación para o play-off ante Elpozo Murcia

Haberá que chegar á última xornada para decidir si o Santiago Futsal entrará na loita polo play-off polo título unha tempada máis, algo que logrou en oito do dez campañas que leva na Primeira División. Os de Santi Valladares xogaranlla, nin máis nin menos, que ante a súa recoñecida besta negra na última xornada de Liga, Elpozo Murcia, que visita o Multiusos Fontes do Sar o venres 25 ás 21h.

Tras o empate no derbi ante Burela, o Santiago Futsal mantense na oitava praza con 37 puntos, empatado con Burela que é noveno e por baixo pola diferenza de goles (-1 para o Santiago Futsal e -4 para o Burela). Logrando o mesmo resultado que Burela nesta última xornada, o Santiago Futsal clasificaríase para o play-off, independentemente da diferenza de goles pola que gañen os da Mariña, porque por outra banda enfróntanse Ribeira de Navarra e Montesinos Jumilla, aos que o Santiago Futsal ten o golaveraje gañado, polo que unha vitoria do Santiago Futsal suporía que pasen ao que perdese ou a Montesinos Jumilla en caso de empate.

Pero os enfrontamentos de ambos os equipos son ben distintos. O Santiago Futsal recibe a Elpozo Murcia, un rival ao que nunca gañou en Liga en casa e que chega a Santiago co único obxectivo de gañar para lograr arrebatarlle a segunda praza ao FC Barcelona Alusport, para o que só depende de si mesmo (o Barça ten a súa xornada de descanso) e só lle valen os 3 puntos (Elpozo está con 65 puntos e o Barça con 68 co golaveraje a favor de Elpozo Murcia). Ademais, chega coa moral polas nubes tras golear ao líder da liga esta pasada xornada por 9-3.

Pola súa banda, o Burela visita a cancha de Marfil Santa Coloma que non se xoga nada porque xa ten asegurada a cuarta praza.

O que está claro é que o Santiago Futsal non debe especular e deberá saír a por todas ante un dos rivais máis duros, aínda que non hai que esquecer que na última visita dos murcianos a Santiago, os de Santi Valladares venceron por 6-4 (no primeiro partido dos cuartos de final do play-off polo título).

Desde o club espérase que a afección responda no que sen dúbida, será o partido máis importante do ano, e espera que as bancadas do Multiusos Fontes do Sar sexan unha festa para animar e arroupar ao equipo neste último partido de Liga, decisivo para o Santiago Futsal. Desde hoxe mesmo puxéronse á venda as entradas para o partido a un prezo de 15€ para Adultos e 1€ para menores de 13 anos. Ademais, os abonados do Santiago Futsal non terán que pagar entrada e poderán retirar até 2 entradas para este partido a un prezo de 10€ cada unha.

Plan de traballo da semana

Luns 21 de Abril:
Descanso

Martes 22 de Abril:
9,30h – Multiusos Fontes do Sar – Preventivo + Táctico

17h – Multiusos Fontes do Sar – Táctico

Mércores 23 de Abril:
17h – Multiusos Fontes do Sar – Forza rápida + Transferencia + Porteiros + Táctico

Xoves 24 de Abril:

9,30h – Multiusos Fontes do Sar – Táctico

11,30h – Salga de prensa do Multiusos Fontes do Sar – Rolda de prensa de Santi Valladares

Venres 25 de Abril:

21h – Multiusos Fontes do Sar – J30. Santiago Futsal vs Elpozo Murcia

Sábado 26 de Abril:

Descanso

Domingo 27 de Abril:

Descanso