O Santiago Futsal comparte adestramento coas Escolas Deportivas de Curtis

O persoal do Santiago Futsal desprazouse onte pola tarde a Curtis, onde realizou un adestramento atípico cos nenos das Escolas Deportivas do Concello. Tras unha breve presentación na que os pequenos puideron coñecer aos membros do corpo técnico e xogadores, o persoal comezou o seu adestramento cun quecemento, que os mozos deportistas observaron desde a bancada ante a explicación de Santi Valladares, que lles explicaba as tarefas e obxectivos que se perseguían con cada unha delas.

Tras a sesión de quecemento, os nenos das Escolas Deportivas de Curtis saltaron á pista para terminar xogando cos seus ídolos, que gozaron cos pequenos durante un bo intre. Ao finalizar a sesión, xogadores do primeiro equipo e xogadores das Escolas Deportivas estiraron en toda a pista, coñecendo tamén a importancia dun bo estiramento tras unha sesión de exercicio físico.

O persoal recibiu varios agasallos dos pequenos e tamén os nenos recibiron agasallos do Santiago Futsal, polo que se converteu nunha gran xornada de confraternización entre ambos os clubs.