O Plan RUA 2014 inicia a súa actividade no barrio dos Mallos

O Concello da Coruña, a través da Concellaría de Medio Ambiente que dirixe Enrique Salvador, informa de que o Plan RUA inicia hoxe a súa actividade no barrio dos Mallos. Así, durante os próximos 9 días a iniciativa chegará a 40 rúas e prazas da zona actuando sobre un total de 53.250 metros cadrados.

Realizaranse distintas actuacións como limpeza e aseo de calzadas, rúas e prazas, e mobiliario urbano; mantemento de zonas verdes; ou reparación de distintas incidencias, entre as que destacan as relacionadas coa iluminación pública, entre outras. Participarán un total de 30 servizos municipais para conseguir espazos máis limpos, sustentables e ordenados coa colaboración dos veciños. En concreto, levarán a cabo as seguintes actuacións:

Baldeo de beirarrúas, calzadas e prazas.
Limpeza e mantemento de mobiliario urbano.
Reposición de 6 colectores e reposición de tapas doutros 5.
Limpeza duns 3.200 metros lineais da rede de rede de sumidoiros da zona. Limpeza e mantemento duns 160 pozos da rede de rede de sumidoiros e de 180 sumidoiros.
Colocación de 260 cebos (desratización) en 200 arquetas de rede de sumidoiros.
Mantemento de xardíns e zonas verdes.
Presenza do punto limpo móbil.
25 actuacións en iluminación pública.
Mantemento de 8 marquesiñas e 3 indicadores de dirección.
Pintado de 3 pasos de peóns.
Pintado de 2 sinais viarios.
Durante os días de actuación do Plan RUA na zona, ao non haber coches estacionados nas rúas, realízase a detección de vehículos abandonados.

Nesta seguda fase, a iniciativa chegará ao Ensanche (do 15 ao 24 de abril), Sacra Familia (do 25 de abril ao 5 de maio), Adormideras (do 6 ao 8 de maio), e Os Rosales (do 9 ao 16 de maio), onde concluirá esta segunda fase.