O ‘Mar de Marín’ entrou en servizo en 1989 e faenaba no Cantábrico Noroeste

O buque ‘Mar de Marín’, afundido esta madrugada na ría de Vigo tras impactar co mercante ‘Baltic Breeze’, é un arrastreiro de fondo de 27 metros de eslora que faenaba no caladoiro nacional do Cantábrico Noroeste.

Segundo figura no censo de flota pesqueira operativa do Ministerio de Agricultura, o ‘Mar de Marín’, con casco de aceiro, entrou en servizo o 27 de xuño de 1989 e tiña porto base en Marín.

 Tiña de eslora total 27 metros e de eslora entre perpendiculares -entre a de proa e a de popa-, 23; mentres que a potencia deste arrastreiro era de 430 cabalos.

Ademais, o arqueo deste barco -unidade de medida do seu tamaño- era de 185 GT e 140 TRB, de acordo cos datos do censo.