O departamento de cultura de Cangas promove un festival folclórico para o verán

O concelleiro de Cultura José Luis Gestido reuniuse a pasada tarde con representantes  dos diferentes grupos de danza tradicional de Cangas para empezar a organizar a celebración dun festival folclórico que se tería lugar durante o verán.

Este festival tería como principal obxectivo dar a coñecer  e poñer en valor a labor que  estes grupos do municipio desenvolven en materia de música e danza tradicional.

Está previsto que o evento se realice durante a segunda quincena do mes de xullo. Durante os días que dure o festival haberá actuacións tanto dos grupos da zona coma de outros grupos invitados.

A organización deste evento sería dun xeito conxunto entre a Concellería de Cultura e os grupos participantes. Para a próxima reunión ampliarase a convocatoria a outros grupos que non puideron participar nesta xuntanza.

O vindeiro 20 de maio celebrarase a próxima reunión ás 20:00 horas na Casa da Xuventude de Cangas.