O Conservatorio vilagarcián pecha os actos do X Aniversario cun concerto de cámara

O Conservatorio profesional de Música de Vilagarcía pecha mañá, venres, 25 de abril, a programación especial para celebrar o décimo aniversario do centro. A clausura terá lugar co Concerto de Música de Cámara que se ofrecerá a partir das 20:00 horas no Auditorio a cargo dun trío de piano, clarinete e frauta travesa. A entrada é libre e de balde.

O trío que actuará mañá compóñeno dous profesores do Conservatorio, Vladimira Smausova (piano) e Ivan Maia (clarinete) xunto con Lucía Lugrís (frauta).

O programa do concerto abarca obras de diferente estilo e épocas para piano e clarinete, piano e frauta e frauta soa.
Na primeira parte interpretarán a Sonata en Fa m Op. 120 nº 1, para clarinete e piano de J. Brahms e a Serenata a Lydia de Cadaqués, para frauta e piano  de X. Montsaltvatge.
A segunda parte do concerto comezará con dúas obras para frauta soa, as Fantasias 1ª y 2ª de G. Ph. Telemann e continuará coa Sonata para clarinete e piano de Poulenc, a Fantasía brillante sobre Carmen, para frauta e piano de F. Borne e rematará co Solo de Concours, para clarinete e piano de A. Messager.