O Concello de Salvaterra de Miño oferta novos cursos dirixidos a adultos

O primeiro é un curso dirixido a maiores de 65 anos, onde se ensinará a previr as caídas, un problema moi importante dentro desta franxa de idade, debido sobre todo as consecuencias das mesmas con certa idade e certas enfermidades ou doenzas,  tratando de reducir o risco de caídas e fomentar a autonomía e mobilidade dos usuarios. Este curso impartirase en tres xornadas, o 5, 6 e 7 de maio de 10.00 a 12.00h na Casa de Cultura de Salvaterra.

E os días 12, 13, 14, 15, 16 e 19 de maio de 10.00 a 11.30h, levarase a cabo un Taller do Sono, onde se tratará de mellorar, aumentar e lograr a calidade do sono e o seu carácter reparador, ademais de  concienciar da importancia que ten para a saúde e a calidade de vida no ámbito da terceira idade, adquirindo unhas pautas e técnicas que nos permitan unha relaxación e un mellor sono.

As prazas nestes cursos son limitadas, para mais información e inscrición dirixirse ao Concello ou no 986 658 082