O Concello de Neda tramita as peticións para participar no programa “Benestar en Balnearios”

A Concellería de Servizos Sociais informa da apertura do prazo para solicitar praza no programa “Benestar en Balnearios” que promove a Consellería de Traballo e Benestar Social da Xunta de Galicia. A través do mesmo pódese acceder a turnos de dez días en diferentes balnearios de toda a Comunidade, en réxime de pensión completa e tratamento termal incluído.

O programa está dirixido a persoas maiores de 65 anos ou 60 pensionistas que residan na Comunidade autónoma. Deste xeito, as persoas interesadas deberán presentar a solicitude nas oficinas de Servizos Sociais (planta baixa da casa consistorial) en horario de mañá e antes do vindeiro 10 de maio.