O Centro Comercial Arousa organiza un taller de creación de complementos de fieltro

O Centro Comercial Arousa celebrará mañá xoves, de 20:00 h. a 22.00 h. e na segunda planta Adornos de fieltro, un taller no que os asistentes aprenderán a elaborar divertidos e orixinais accesorios para decorar camisetas, diademas, broches ou pinzas empregando o fieltro como único material.

O curso, de carácter gratuíto e prazas limitadas, estará impartido pola bloguera de Sanxenxo, Elisa Franco, creadora do blog Mamacosesola e afeccionada ao mundo do deseño e a costura, que introducirá aos participantes no movemento DIY (do it yourself-faino ti mesmo), caracterizado por utilizar a creatividade e o enxeño para crear un mesmo todo tipo de obxectos cun selo persoal.

Franco mostrará aos asistentes, de forma práctica, as múltiples posibilidades que ofrece o fieltro, un material alcanzable, versátil e moi fácil de atopar en diferentes tonalidades, á hora de decorar calquera peza de vestir ou deseñar e confeccionar todo tipo de complementos.

Ao longo do taller e baixo a supervisión de Franco, os asistentes aprenderán a desenvolver diferentes tipos de accesorios así como consellos útiles para poder continuar deseñando nas súas casas as súas propias creacións. O centro fornecerá aos asistentes o material e útiles necesarios para a realización das diferentes pezas que se elaborarán in situ.

Para participar, é necesario encher o formulario de inscrición situado na sección de noticias de www.ccarousa.com.

Sobre Elisa Franco

Elisa Franco é Licenciada en Historia da arte pola Universidade de Santiago de Compostela. Vinculada ao mundo da creación e o deseño, participou en exposicións de obras propias, actividades literarias e charlas sobre arte e restauración.

Actualmente é autora de Mamacosesola (www.mamacosesola.com), un blog no que comparte proxectos de costura, dirixido a nais interesadas en confeccionar persoalmente a roupa dos seus fillos, e no que pon á súa disposición patróns de diferentes pezas e tutoriais.