O CEIP Princesa de España gaña o IV Torneo San Lázaro Intercentros de Fútbol-8

A Concellería de Deportes de Verín organizou o pasado sábado 05 de abril, o V Torneo San Lázaro Intercentros de Fútbol-8, dentro das actividades deportivas realizadas con motivo da Feira do Lázaro e o Certame Gastronómico ‘Vila de Verín’, no que o CEIP Princesa de España (Verín), proclamouse, por segundo ano consecutivo, campión desta competición deportiva.

Nesta ocasión o torneo, celebrado durante a mañá do sábado e destinado a categoría alevín mixto (nados en 2002 e 2003), contou coa participación de tres equipos: Colexio Mª Inmaculada (Verín), CEIP Princesa de España (Verín) e CEIP Rodolfo Núñez (Vilardevós).

Tras o sorteo dos emparellamentos, realizado no mesmo campo, tiveron lugar os seguintes partidos e resultados: Colexio Mª Inmaculada 2 – 0 CEIP Rodolfo Núñez, Colexio María Inmaculada 2 – 4 CEIP Princesa de España e CEIP Rodolfo Núñez 1 –  4 CEIP Princesa de España. De este modo, tras acadar sendas vitorias, contra o Colexio María Inmaculada e o CEIP Rodolfo Núñez, proclamouse como vencedor do torneo o colexio verinense. Ao finalizar os partidos, o concelleiro de Deportes Víctor Baladrón Lamas e o presidente de Aever-CCU Verín, José Angel Rodicio, entregaron os trofeos aos participantes no V Torneo San Lázaro Intercentros de Fútbol-8. Como mellor porteiro foi designado Aitor Blanco (CEIP Princesa de España). O máximo goleador foi para Pablo Pazos (Colexio María Inmaculada) e Elisander De Brito (CEIP Princesa de España) con tres goles. O premio de mellor xogador do torneo recaeu en Pablo Fernández (CEIP Rodolfo Núñez). Ata a data o historial deste torneo é Colexio María Inmaculada (gañador en 2010 e 2011), Nadir Afonso de Chaves (2012), CEIP Princesa de España (2013 e 2014).

Tamén, durante esa xornada disputouse o V Torneo de Fútbol de Veteranos e Torneo de Tenis no que participaron unha vintena de menores, con idades comprendidas entre os 7 e 10 anos, pertencentes ás Escolas Deportivas Municipais de Tenis de Xinzo de Limia e Verín.

Este evento está organizado polo Concello de Verín e patrocinado por: Eurocidade Chaves-Verín, Plan de Competitividade Puertas de Galicia, Inorde, Deputación Provincial, Xunta de Galicia, Gadis, Cabreiroá, Construcciones Hnos. Carrajo, D.O. Monterrei, Saroni, Socitransa, Parador de Turismo de Verín, Pirotecnia Xaraiva, La Caixa, Caja Rural de Zamora, Estradas Galegas SL, Espina & Delfín, Rótulos Losada, MRW, Esinor, AEVER-CCU Verín e AEHCOM.