O Ceip Castrillón de Cangas celebra o seu XVIII Cross Escolar e Popular

Este domingo día 27 de abril o CEIP Castrillón de Coiro celebrará a XVIII edición do seu Cross Escolar e Popular, organizado polo ANPA Fornobedo, nas inmediacións do centro escolar.

As probas deportivas darán comezo a partir das 10:00 da mañá e se prolongarán ata as 13.00 horas. No evento poderán participar alumnos e alumnas do centro escolar así como membros doutros colexios e persoas particulares, que competirán nas categorías masculina e feminina de pitufo (3, 4 e 5 anos) prebenxamín, benxamín, alevín, infantil, cadete, popular e pais e nais.

As inscricións poderán realizarse o mesmo día do cross a partir das 9.00 horas no centro, no local da asociación de pais e nais en horario de 16:00 a 17:00 horas ou a través do enderezo electrónico fornobedo@gmail.com.  Deberá constar o nome do neno/a e a súa idade.